TACLOBAN CITY – Pag may mga pag-uran o bagyo, usa nga problema nga ginkaka-atubang han syudad han Tacloban an pagbaha ha pipira nga lugar ilabi na ha Nula-Tula nga tubtob hawak an baha durante han bagyong Urduja.
Sanglit nagsurat ngan nagpabulig hi Tacloban City Vice Mayor Jerry Sambo Yaokasin kan DPWH Sec. Mark Villar hini nga problema.
Ha Exclusive nga interview han RMN kan Vice Mayor Yaokasin, sumala ha iya, kadamo na nga proyekto an nahimo han DPWH Regional Office hini nga kalsada pero ngada yana nagbabaha la gihapon.
“Nakit-an man gud naton an problema nga pagbabaha ha may Nula-tula. There were several projects nga gin-implement han DPWH but inspite of that nagbabaha man la gihap ha Nula-tula.”
Nangangaruyag sidngon la ba ini nga waray solusyon iton mga tinaglawas han DPWH Regional Office hini nga problema nga madugay na unta dapat solusyunan.
Sumala kan nanay Marlita, residente han Nula-tula, nahadlok hira pag-nauran kay maaram hira nga ma-evacuate na liwat hira.
“Makuri gad it amon kabutang kay ma-evacuate na liwat kun makusog it uran.”
Dugang pa ni Vice Mayor Yaokasin, diri na ini pwede nga pirmi na baha.
“Diri na ini pwede kun pabay-an la naton ini nga kada pag-uran nagbabaha it
Nula-tula. Nakakaperwisyo na ini hit mga commuters ha mga tawo, specially ha may EVRMC nga aada naman gud ha Bagacay.”
