Davao City – Kumpiskado sa Talomo Police Station ang tulo ka mga video karera nga gireklamo sa mga residente sa Matina Aplaya, dakbayan sa Davao.
Sa blotter sa Talomo PNP, naaktuhan sa mga kapulisan nga nag operate ang tulo ka mga video karera nga nahimutang sulod sa tulo ka mga pinuy-anan sa nahisgutang lugar.
Ang tulo ka mga video karera nakompiskar sa panimalay nila ni Enon Hermoso, Gregorio Plaza ug Marlen Vibas nga adunay mga kabataan nga nagdula atol sa ronda sa kapulisan.
Nagdungan usab sa pagpangatarungan ang tulo nga dili ilaha ang mga nakompiskar nga video karera tungod kay igo lamang kuno kining gibilin ug wala usab sila makaila.
Ang tulo ka mga video karera anaa na sa kustodiya sa Talomo Police Station samtang nagpadayon ang imbestigasyon aron masuta kun si kinsa ang nanag-iya nini.
RadyoMaN Erin Lumosbog
