Videoke machine winasak dahil lumabag sa 10PM karaoke ban ang may-ari nito

Courtesy Barangay Mambugan Facebook page

Viral ngayon sa social media ang pagsira sa isang videoke machine ng ilang opisyal ng Barangay Mambugan sa Antipolo City dahil sa paglabag umano ng may-ari nito sa ordinansang ipinapatupad nila.

Ayon sa mga kawani ng barangay, hindi sumunod ang may-ari sa polisiyang hanggang alas-10 ng gabi lamang maaring gumamit ng videoke machine.

Giit pa nila, makailang beses nilang pinuntahan at sinita ang mga bumibirit pa sa dis-oras ng gabi pero hindi umano sila iniintindi. Kaya naman nag-desisyon silang kumpiskahin ito.


Nang tanungin ang mga opisyales kung bakit winasak ang naturang bagay: “Wala po kaming balak itambak yan sa barangay namin dahil baka mapagsabihan pa na pinag-iinteresan, salamat po.”

Hati naman ang reaksyon ng netizens kaugnay sa ginawa ng mga taga-Barangay Mambugan.

Screenshots from comment section of Barangay Mambugan Facebook page.

Sa kabila ng pambabatikos, nanindigan ang mga kawani sa ginawang desisyon at bago pa man umano sila magbigay ng permit, ipinaliwanag nila sa may-ari kung anong maaring mangyari kapag hindi sumunod sa patakaran.

Facebook Comments