Davao City – Dismayado si 19th City Council Committee on Health Chair Councilor Mary Joselle Villafuerte nga adunay mga Davaoeños nga nagkompiyansa ug misupak sa minimum health protocols.
Giawhag niini ang katawhan nga boluntaryong mag-ECQ bisan pa og sa Modified General Community Quarantine ang syudad sa Davao.
Nag-inisyatibo ug mitabang ang konsehal sa pagdawat sa mga reports sa mga nakalapas sa quarantine aron dali usab kining marespondehan sa kapulisan.
Giklaro ni Villafuerte nga ang pagwagtang sa FM Pass ug curfew wala nagpasabot nga wala nay COVID-19.
Dugang pa niini, gipahinumdom sa konsehala nga mag-atubang gayud og silot ang mga madakpang wala nagsul-ob og face masks sa publikong lugar pinasikad sa Mandatory Wearing of Face Mask Ordinance sa syudad sa Davao.
RadyoMaN Aimee Guinita
