Davao City – Gitugyan na sa mga opisyal sa Barangay 9-A Poblacion ang nakalutan nga vintage bomb sa mga trabahante sa usa ka construction site sa Marfori Subdivision Davao City.
Sumala ni Brgy. Kapitan Tata Llubit nga gihilom sa contractor ang pagkadiskubre sa maong vintage bomb sa kabalaka nga madiskubrihan nga walay building permit ang ilang gipahigayon nga contruction sa maong subdivision.
Matud ni Llubit nga ang mga silingang residente sa maong gi construct nga gambalay maoy mipahibawo nga adunay nakubkuban nga bomba diin gitagoan sa ilalom sa abohan sa maong construction site nga nakapahadlok sa maong nga residente.
Daling mihimo ug aksyon si Kapitan Llubit ug alas dies sa kagabhion kauban ang mga elemento sa City Ordnance Disposal Unit sa Davao City Police Office gikumpiskar ang maong vintage bomb.
Giandam na sa barangay council ang reklamo batok sa contractor.
RadyoMaN Erin Lumosbog
