Amediante del fuerte apelo del Alcalde Beng Climaco-Salazar con el publico de no viola con el City Ordinance 431de no usar maga rebentador, aparese monton lang siempre el ya purpia con este despues ya queda lang siempre alboroto del maga suen-suena rebentada del diffrentes rebentador cuantos minuto antede entyra el año nuevo.
Falata ya el fuersa del pulis y militar para hace apas conel maga violador despues manada lugar na ciudad el ya hace lang siempre rebenta maga rebentador.
Fuera con este, maga pulis ya puede tambien confisca differentes clase de rebentador na separao maga lugar na maga estacion del pulis.
Tiene tambien con quien ya puede aresta y ya confisca na diila possession maga clase-clase de rebentador.
Conaquelios conquien ya puede aresta, esperanzao ya planta caso na corte el maga pulis y imponbe pena seguiendo con el maga proviciones de mencionao ordinansa.
