Davao City – Pasado sa gipahigayong session sa Davao City 19th City Council kagahapong adlawa ang mga ordinansa sa pagpatuman og Quarantine curfew sugod alas-9pm hangtod alas 5am ug Liquor Ban sugod alas-5pm hangtod alas 8am.
Gibutyag ni City Council committee chair on Peace and Public Safety, Councilor Mabel Acosta nga nahimong basehan usab sa maong mga gidusong mga ordinansa ang gipagulang mga Executive Orders nga gipagula ni Davao City Mayor Sara Duterte.
“Para jive tanan, jive ang Executive Order, jive pod ang Regional directive ug jive pod ang Local Government Unit through the City Council,” matud ni Acosta.
Sulod sa Quarantine curfew ordinance ug Liquor ban, adunay silot ang mga makalapas niini diin ang 1st Offense, P3,000 nga multa samtang P5,000 ug pagkapriso nga dili mulapas sa usa ka tuig.
“Naa tay penalty clause para mahimo gyung effective ang implementation, kay kung di ta mag-penalize ang mga tao dili man sab magpabadlong no, aron naay ngipon ang atong balaod,” sumala ni Acosta.
Gitin-aw ni Acosta isumite nila ang mga napasar nga mga ordinansa Mayor Sara aron kini mapirmahan.
RadyoMaN Aimee Guinita
