Sumala ni Talikala Program Coordinator for Advocacy Carina Sajonia, ang gidangatan sa biktimang si Rhea Tocmo, taga Panabo City gikan sa kamot suspek, nagpakita lang nga nagpadayon gihapon hangtod karon ang “Culture of Violence” batok sa mga kababainhan diri sa atong nasod.
Matud ni Sajonia, nagpasabot kini nga ubos ug dili pa gihapon pareho ang tratamento sa kababainhan ning presente natong panahon taliwala nga anaa na kita karon sa moderno nga panahon.
Kining nasampit nga praktis, angay nang tuldokan aron wala na’y mga babaye ang mabiktima sa abuso pisikal, sekswal, ug pagkutlo sa ilang mga kinabuhi.
Alang kang Sajonia, mahunong lamang ang violence against women kung ang gobyerno maglusad og kampanya sa pag-edukar sa kalalakin-an mahitungod sa mga balaod nga naghatag og katungod ug proteksyon sa kababainhan.
RadyoMaN Joel Viray
