Kuwait- Nagapangayo sang rescue ang isa ka OFW nga nagahingalan kay Mary
Joy Demo-os nga halin sa Kuwait matapos ini ang gina-alegar ginapahog sang
amo nga Lebanese.
Suno sa pakaisa sini nga si Irene Deloterio Villance, nakuha niya ang sulat
sang pakaisa pinaage sa bulig sang kaangay nga Pinay OFW nga kahilapit ni
Mary Joy Demo-os.
Mabasahan sa amo nga sulat nga ini ang ginapahog kag ginasinggitan sang
employeer nga Lebanese. Ginkuha man ang iya cellphone rason nga ini ang
indi na makakontak sa iya mga kilala.
Kapin man sa isa ka semana nga wala ini makaguha sa apartment nga ila
ginatineran matapos nga ginbilin siya sang iya mga amo nga nagbakasyon sa
Lebanon.
Handom sang Capizeña OFW nga taga-Salgan, Maayon nga ini ang masalbar
samtang mas temprano pa kag wala sang may nahimo nga malain sa iya ang
employeer sini.
Nahibaluan nga humalin sang ginpost ni Irene Deloterio Villance ang
pagpangayo sang bulig sang iya pakaisa, kapin na sa 6,500 ang nag-share sa
social network nga Facebook.
Updating. . .
***(Photo: Irene Deloterio Villance)***
