Davao City – Hitsas na ang pagpangandam sa Department of Labor and Employment (DOLE)-XI alang sa himuon nga online kun virtual job fair karong adlawa (Mayo 1, 2021) atol sa Labor Day.
Kapin 2,000 ka mga bakanteng trabaho ang giandam sa mga nagkadaiyang kompaniya alang sa 8,000 ka mga trabahante nga mipailawom na sa pre-registration dinhi sa rehiyon.
Sa tibuok Pilipinas anaa sa 26,000 ka mga lokal ug trabaho abroad, ang gihanyag sa departamento.
Giawhag sa DOLE, ang mga job seekers nga pahimuslan ang maong online job fair diin anaa sa 567 employers, ang nag-offer og trabaho sa industriya sa manufacturing, business process outsourcing (BPO), health services, retail, ug construction.
Ang virtual job fair karong tuiga adunay temang “ Mayo Uno sa Bagong Panahon – Manggagawa at Mamamayan, Babangon, Susulong! ” |
RadyoMaN Kirby Manzon
