Vistar out, Obenza in isip Chief of Police sa Calinan Police Station

Davao City- Gi-relieve na sa pagka-station commander sa Calinan Police Station niadtong Biyernes, Hunyo 9 si Police Major Niel Vistar. Kini ang gibutyag ni Police Brigadier General Alden Delvo atol sa interbyu sa Davao Media.

Sumala ni Delvo, gibutang isip bag-ong station commander puli kang Vistar si Police Major Ricky Obenza.

Matud kang Delvo, ang pag-relieve kang Vistar usa ka bug-at nga mensahe alang sa tanang commanders nga solbaron, ang krimen o pugngan nga adunay mga mahitabong insidente sa ilang mga area of responsibility.

Sa pikas bahin, gibutyag ni Davao City Police Office (DCPO) City Director Police Colonel Alberto Lupaz, aduna nay mga sektor nga wala na makauyon sa mga nahitabo sa Calinan, busa aron mabalik ang pagsalig sa katawhan, gibutangan og bag-ong opisyal ang Calinan Police Station.

Subay niini, nakigkoordinar na si Police Major Ricky Obenza sa mga Barangay Captains sa Calinan ug gipakusgan ang pagpatrolya ug police visibility.

Paningkamutan usab niining mabalik ang morale ug pagsalig sa publiko sa mga awtoridad samtang nagpadayon ang pagsulbad sa nahitabong mga krimen sa Calinan.

RadyoMaN Aimee Guinita