Usa ang rehiyon onse sa mga nagapakitang gilas ug nanguna didto sa kauluhan samtang nagapadayon pa ang Palaro lakip na niini ang mga differently-abled athlete sa Para Games Athletics ug Goal Ball diin napamatud-an nga dili babag ang ilang kondisyon aron ipakita sa tanan nga sila duna’y makahinganghang abilidad.
Sa unang adlaw palang, sila wala napakyas, diin sila nakasakmit og kadaogan sa ilang unang dula kontra sa Central Visayas Regional Athletic Association (CViRAA).
Sama sa maka bilib ug makadasig nga kaagi sa mga atletang sila John Dave Bughao, Kendews Granaderos, John Lloyd Orlanes, Jeoffrey Amad, Deniella Gold Ramos, ug Alona Pascual nga parehong may mga balatian sa mata nga miagi pa sa mapait nga pag-antos nga mihagit kanila apan sila nagmalahutayon ug wala kini nahimong babag aron makab-ot nila ang ilang mga pangandoy.
Sa pagkakaron, nagapadayon pa ang Palarong Pambansa 2023 ug laumang madugangan pa ang mga bulawang medalya sa Davao Region (Davao Eagles).
RadyoMaN Ivy Parido
