Ya esta sumido ya el cuantos mga barangay na Destrito de Vitali desfues raza el fuerte viento y aguasero anoche causa del tifun Vinta.
Media noche anoche, 128 familia el ya evacua para na altura lugar desfues sale afectao na avenida el diila mga barangay como el Mangusu, Vitali, Tictapul, y Licomo na este parte del ciudad.
Asegun con el capitan de Vitali Lito Alavar,que ya esta sila alertao de mas temprano pa anoche y ya manda ya sila evacua de mas temprano con el mga familia ta queda na canto del rio y frequente ta queda victima de avenida poreso poco aura el ya evacua durante el subida del agua na rio cay ya anticipa ya sila coneste.
Ya respobde tambien anoche para dale aucillo rl mga tropa del Zamboanga City Public Safety Company del policia y del ZCDRRMO para asisti con el mga barangay afectao na evacuacion del mga vivientes concierne.
Initialmente el persobajes de barangay ya dale mga comida enlatao y noodles con el mga afectao familia, mientras esperando el llegada del ayuda del govierno local conestos mga afectao na avenida anoche.- Bhong Simbajon/RMN News
