Davao City – Tungod sa daghang misulay sa klase-klaseng mga investment schemes, midaku kini sila nga nagsugod lamang diha sa mga hilit kun rural areas hangtod nipaingon na gayud sa kasyudaran or sa sentro sa populasyon.
Sumala ni Jan Ocampo, usaka iladong video blogger ug founder sa ‘The Present’ vlog site, adunay ‘proof of concept’ hinungdang daghan ang misulay bisan ug wala sila masayud kung giunsa pagpadagan sa maong mga investment schemes ang ilang kwarta or investment, nahimong nisikat or nahimong notorious pinaagi sa social media ra usab.
Matud ni Ocampo, wala dayon matutuki sa gobyerno ang maong matang sa money-making schemes tungod kay daghan usab ang mga gi-atiman nga mga dagkung problema ang atong nasud.
Gisugyot sa maong Davao-based financial advisor nga angay gayud adunay himoong financial literacy seminars or education ilabi na diha sa mga eskwelahan aron mapasabot sa tanan kung unsa kini nga matang sa negosyo ug unsa ang mga risgo involved denheng dapita sa higayon nga mo-entra ang usaka indibidwal niini.
RadyoMaN Bernard Pantallon
