Davao City – Laumang makagawas na gikan sa Coronavirus Disease 2019 (COVID-19) isolation facility si Davao City Vice Mayor Sebastian ‘Baste’ Duterte human kini nagpositibo sa COVID-19.
Matud ni Davao City Mayor Sara Duterte-Carpio (sa interbyu sa city-owned radio), gitakdang mogawas karong semanaha ang igsoon human sa 14-day quarantine ug gibutyag niini nga mild lamang ang simtomas nga gibati ni ‘Baste’ tungod sa COVID-19 ug lauman nga makarekober na kini karong semanahona.
“We expect siguro nga he (Vice Mayor Baste) is better karon because mild lang man ‘to iyahang (COVID-19) symptoms and we expect also nga he will be released from isolation this week and will be tagged as recovered,” saysay sa alkalde.
Niadtong July 21, 2021 sa dihang gikumpirma ni Mayor Sara sa iyang official Facebook page ang pagpositibo sa COVID-19 ni ‘Baste’ diin padayon kining nag-ampo alang sa paspas nga pagrekober sa bise mayor.
RadyoMaN Kirby Manzon
