ILOILO CITY – Ginkadlawan lang ni Vice Mayor kag karon Acting City Mayor Jose Espinosa III ang akusasyon ni Councilor Plaridel Nava nga isa siya sa mga persona sa likod sang pagtum-ok sa kontrobersiya ni Mayor Jed Patrick Mabilog.
Ginpahayag sang bise alkalde nga bisan siya ang wala nakahibalo sa mga alegasyon ni Councilor Nava.
Dugang pa ni Espinosa, kinahanglan pamatud-an ni Councilor Plaridel Nava ang mga alegasyon sini batuk sa ila sang iya bilas nga si Congressman Jerry Treñas.
*”As a matter of fact wala ko ya gani information sang iya [Nava] ginapanghambal…Kay di man ko ya kahambal nga amo ni, amo na… amo ni… he has to prove nga teh, iya na ya nga utterance and he is the master of his utterances,”*ang pahayag ni Espinosa sa interniew sang RMN Iloilo.
Pahayag sang alkalde, updanay sila ni Mabilog kag Treñas halin snag una sa pag-atubang sang mga issue kag kontrobersiya.
“*Iya [Nava] man na ya gihapon alegation [laughs]. Ako ya I, we have been together with mayor and congressman ever since kag tanan nga paagi para madivide ang grupo namon I think we have withstand all of those things,” *ang dugang nga pahayag ni Espinosa sa exclusive interview sang RMN Iloilo.
Nahibaluan nga ginpahayag ni City Councilor Plaridel Nava nga political motive ang rason kag may persona sa likod sang mga pagmitlang ni Presidente Rodrigo Duterte nga illegal drug protector si Mayor Jed Patrick Mabilog nga nagatumod naman ini sa magbilas nga sanday Congressman Jerry Treñas kag Vice Mayor Jose Espinosa III.
