![DIOSDADO-MAHIPUS-copy](https://i0.wp.com/rmn.ph/wp-content/uploads/2017/09/DIOSDADO-MAHIPUS-copy.jpg?resize=696%2C464&ssl=1)
Davao City-Adunay kagawasan sila Vice Mayor Paolo “Pulong” Duterte ug Atty.Manases Carpio sa pagbalibad sa imbitasyon sa Blue Ribbon Committee Senate inquiry sa isyu sa Bureau of Customs.
Gibatbat ni Davao City 2nd District Councilor Diosdado Mahipus nga walay mahimo ang kumitiba ni Senador Richard Gordon kung magdumili sila Pulong ug si Mans sa pagtambong sanglit imbitasyon man lang kini ug dili subpoena nga obligado gayod.
Sigun ni Mahipus nga wala na’y pulos nga mutungha pa sila Pulong ug Mans sa senado nga hingpit naman giklaro ni Broker Mark Taguba nga walay labot sa kontrobersiya sa BOC ang duha.
Dugang pa sa konsehal nga masambugan lang unya og politika ang ilang presensiya sa senado sa mga kritiko sa administrasyon Duterte aron mas iduot pa gyod sila sa 6.5 billion worh shabu shipment nga nakalusot sa BOC.
Busa sigun ni Councilor Diosdado Mahipus, mas maayo dili na magpatim-aw sa sunod nga pagdungog sa senado karong Sityembre siyete sila Vice Mayor Paolo Duterte ug Atty.Manases Carpio.
Kahinumduman, nagkatakdo ang mga senador sa ilang caucus ganinang buntag nga imbitahon ang duruha aron maklaro ang ilang kalambigitan sa isyu sa BOC.
Kasamang Joel Viray