![MAYOR-SARA-DUTERTE-2-copy](https://i0.wp.com/rmn.ph/wp-content/uploads/2017/08/MAYOR-SARA-DUTERTE-2-copy.jpg?resize=696%2C409&ssl=1)
Davao City- Andam mutambong sila Davao City Vice Mayor Paolo Duterte ug Attorney Manases Carpio kung imbatahan sa Blue Ribbon Committee Senate Investigation.
Kini ang gibutyag ni Mayor Inday Sara Duterte-Carpio dihang gihinabi sa mga tigbalita atol sa usa ka tuig nga paghinumdom sa Roxas Night Market Bombing kagahapon adlawa.
Suma ni Mayor Inday Sara nga nagpaabot lamang og pagdapit sila Pulong ug si Carpio alang sa senate investigation labot sa pagkadalahig nila sa isyu sa Bureau of Customs.
Sigun pa sa Mayora nga nagka-istoryahanay na sila sa bise mayor apan nagdumili na kini sa pagdetalye kung unsay nahimong unod sa ilang panaghisgot sa kontrobersiya sa BOC.
Kahinumduman,gi-akusahan nila Senador Sonny Trillanes ug Mark Taguba sila Vice Mayor Paolo Duterte, Attorney Manases Carpio ug bana sa Mayor ug Councilor Nilo Abellera Jr. nga gadawatan og minilyon ka pesos nga tara aron mapagawas mga kontrabandos nga iya sa broker.
Kasamang Joel Viray