Sumala ni Davao City Vice Mayor J Melchor Quitain, naghinaot siya nga maaksyunan ug masolusyunan ang mga mulo sa publiko.
Alang ni Quitain angayang humanon usa kining nga natanggong nga mga proyekto una musulod na sad ang mga proyekto karong 2023.
Segun sa bise Mayor nga dismayado siya apan nanghinaot nga adunay mapakita ang DPWH nga tubag sa mga nadelatar nga mga proyekto.
Gibatbat niini nga kung nasayod ang mga opisyales wala silay igong katakos mas maayong bolontaryong mu-resign tungod dagko kini nga mga proyekto.
Kahinumduman sa privilege speech sa regular session niadtong Martes, Enero 10, 2023 gikwestiyon ni Councilor Edgar Ibuyan Jr. ang katakus sa mga opisyales sa Department of Public Works and Highways.
Sumala niini naghatag kini’g problema sa komunidad kung diin nahimutang ang maong mga proyektong nagkantidad sa bilyones ka pesos nga drainage, kalsada ug tulay nga natanggong sukad pa sa 2019.
Buot mahibaw-an ni Ibuyan kung ang mga opisyales galantaw ug kwalipikado ba gayod sila sa ilahang mga trabaho.
RadyoMaN Aimee Guinita
