Vocalist it banda dakop sa buybust operation

Kulong ro sangka vocalist it lokal nga banda matapos nga madakpan sa ginpatigayon nga buybust operation sa Kubo Bar Garden and Restaurant sa OsmeƱa Ave. Kalibo, Aklan.
Nakilaea ro suspek nga si Brayner Castro 23 anyos it Barangay Cerudo, Banga, Aklan samtang habuoe kana ro sangka brick nga marijuana ag P1,000 nga buybust money.
Ro operasyon hay ginpatigayon it Kalibo MPS, Provincial Drug Enforcement Unit (PDEU) ag PDEA 6 kon sa siin na trap imaw ra habang naga inom-inom kadungan it pag deliver ko marijuana sa sangka asset sa lugar.
Samtang aminado man do suspek nga naga gamit imaw kara pero nagpondo eon ko nagtaliwan nga buean matapos nga gina sugid nga imaw hay nagsuko eon sa Banga PNP.
Si Castro hay magapangatubang it kasong pagbayolar sa RA 9165 o Comprehensive Dangerous Drugs Act of 2002 ag sa makaron nakakulong sa lock up cell it Kalibo MPS.

Facebook Comments