Sa interview sa DXDC RMN Davao kang COMELEC Commissioner Atty. George Garcia atol sa Straight to the Point Morning Edition kauban si RadyoMan June Duterte, iyang gibutyag nga aduna na sila’y kasabutan sa mga e-wallet platforms, Bangko Sentral ng Pilipinas (BSP), ug Anti-Money Laundering Council (AMLC) nga i-monitor ang mga indibidwal nga nagahulog ug nagapadala og dagko nga kantidad sa kwarta aron masubay ang kandidatong posibleng duna’y kalambigitan sa vote buying.
Dugang pa niya nga bisag aduna’y kapin 1,000 gun ban violators ug pipila ka mga kandidatong naga premature campaign, nagmalinawon gihapon ang COC filing ug wala’y natalang dagko nga mga kagubot subay sa Barangay and Sanguniang Kabataan Elections (BSKE) 2023.
Sa pagkakaron, padayon gihapong ginabantayan sa COMELEC ang 27 ka mga lugar sa Pilipinas lakip na ang duha sa Davao Region nga posibleng mga hotspots areas ug lauman nga bag-o pa mahuman ang buwan, ma-finalize na kini ug mapagula na ngadto sa publiko.
RadyoMan Ivy Parido
