Vote-buying pinaagi sa social media, hugot nga ginabantayan sa COMELEC

Davao City- Gipahimangnoan sa Commission on Elections (COMELEC) ang mga kandidato nga ginatutukan na sab sa ilang buhatan ang pag-monitor sa vote-buying and selling sa mga social media campaigns subay sa Barangay and Sangguniang Kabataan Elections (BSKE) 2023.

Matud pa sa pamahayag ni COMELEC Spokesperson John Rex Laudiangco, ang mga supporters mamahimong mag-send og mga digital coins, stars o chips sa mga kandidato atol sa e-rallies apan, gipaklarong kung ang kandidato na ang maghatag og online gifts, matawag na kini og vote-buying nga kalapasan sa balaod nga gipanday alang sa eleksyon.

Sa interview sa DXDC RMN Davao sa dabawenyong si Arnolfo Yaranon, gibutyag niya nga lisod kining mapatuman o mabantayan sa COMELEC tungod aduna’y daghang kandidato nga badlungon ug aduna na’y daghang pamaagi sa social media kung asa daling makapalusot og kwarta.

Dugang ni Laudiangco nga gukdon sa ilang buhatan ang mga malapason nga nagapamalit og boto online pinaagi sa tabang sa Bangko Sentral ng Pilipinas, Anti-Money Laundering Council, Philippine National Police, National Bureau of Investigation ug mga e-wallet companies.

RadyoMan Ivy Parido