Davao City – Kasama, hapit na ang eleksyon. Unsa ang mga angay hinumduman sa pagpili og partylist? Subay sa sumbanan sa Commission on Elections kun COMELEC, usa lamang ka partylist ang angay iboto karong Mayo 13, 2019. Pasabot nga gidili ang pag overvote kun pagboto og lapas sa usa ka partylist diin kung mahitabo kini dili maapil sa ihap ang imong boto sa nahisgutang posisyon.
Sa dul-an 200 ka mga party-list nga nagpasa sa ilang certificate of candidacy, anaa lamang sa 134 sa maong ihap ang gi-aprubahan sa Commission on Elections (COMELEC) nga opisyal nga magpapili karong eleksyon.
Nasayran nga subay sa bag-ohay lamang gipagawas nga survey sa Pulse Asia, trese sa 134 ka mga rehistradong party-lists sa midterm election ang makabaton sa Congressional seats.
Ilawom sa balaod, 59 seats sa kongreso ang i-alokar sa mga partylist representatives. Nasayan nga taliwala sa sistema sa partylist niadto pang 1995, 76 porsiento lamang sa mga rehistradong botante nga mga Pilipino ang nakadungog o nakabasa labot sa maong sistema.
Maong Kasama, sutaa, ampingi ug bantayi ang imong balota.
RadyoMaN Kirby Manzon
