Voter registration di angay i-postpone

26

Davao City – Dili pabor ang Blue Vote nga organisasyon nga i-uktaba ang voter registration nga bag-uhay lang gisugdan karon sa Commission on Election (COMELEC) agi sa pagprepara sa National and Local Elections sa 2022.

Matud ni Blue Vote Focal Person Mark Samonte, dili puwede undangon ang rehistrasyon alang sa mga botante nga buot magparehistro sa mga buhatan sa COMELEC kay nakatakda na kini nga panahon.


Ang rehistrasyon mahitabo kini kasagaran kapin usa ka tuig ayha pa mahitabo ang bugnong lugaynon sa nasudnon ug lokal nga piniliay subay sa nakalatid sa election law sa Pilipinas.

Sumala ni Samonte, kung i-delatar ang rehistrasyon maapektohan ang 2022 elections ug lisod tan-awon nga tungod kay walay registration wala sa’y mahitabo nga piniliay sa nasud pag-abot sa maong tuig.

Matud pa nga disiminasyon ang gikinahanglan aron mahibawo ang mga botante sa health protocols samtang magparehistro sila sanglit dili tanan ang makahimo sa online registration sa COMELEC website.

“Unsa ma’y tumong nga i-postpone ang vote’s registration nga naa ma’y guidelines, naa ma’y protocol nga puwede sundon. Mas maayo unta nga idayon na lang na kaysa magsige ta og postpone. Kung magdelay ta sa voter registration maapektohan man gyod pod ang 2022 ana nga election,” segun ni Samonte.




RadyoMaN Joel Viray

Facebook Comments