Davao City – Sa pagpangandam sa midterm election sunod tuig 2025, nagpadayon ang ginahimong satellite registation sa Commission on Elections (COMELEC).
Sa interview sa DXDC RMN Davao kang Atty. Gay Enumerables, spokesperson sa COMELEC-XI, iyahang gisaysay nga gawas sa COMELEC offices ug sa malls, dunay usay ginahimong registration sa mga barangay aron mapaduol ang serbisyo sa Davaoeños.
“Atoang mga election officer especially in Davao City, naga-conduct gyud sila’g satellite registration. Naga-barangay ug malls gyud sila,” saysay ni Enumerables.
Sa September 30, 2024 ang katapusang adlaw sa registration, rason nga giawhag sa COMELEC-XI ang publiko nga magparehistro na.
Nasayrang gawas sa pangalan, duna na usay picture nga i-post gawas sa presinto asa muboto ang mga tao sa adlaw sa eleksyon aron dali na lamang kini ilabi na sa mga edaran.
RadyoMaN Kirby Manzon
Facebook Comments
