Davao City – Gikatakdang sugdan sa Commission on Elections (COMELEC) ang pagdawat og mga bag-ong aplikante nga magparehistro sa buhatan karong bulan sa Agosto.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga sugdan ang maong registration sa Agosto 1 hangtud Setyembre 30 karong tuiga.
“Based sa atong calendar of activities sa COMELEC, August 1 pa hangtud September 30 ang pagdawat nato og mga bag-ong aplikante para sa registration for the upcoming Barangay and SK election,” saysay ni Caballero.
Dugang ni Caballero nga gilaumang karong semanaha, muabot ang resolution gikan sa COMELEC Manila o main office nga magsilbing guidelines sa pag-abri sa pagdawat og registration.
Una nang gibutyag sa tigpamaba sa COMELEC-XI nga ginadawat sa ilang opisina sa July 1 – 31 mao kadtong mga botante nga buot mag pag-update sa status sa buhatan.
RadyoMaN Kirby Manzon
