Sa interview sa DXDC RMN Davao kang Atty. Gay Enumerables, spokesperson sa COMELEC-XI, iyang gisulti nga kini ang mamahimong giya sa mga botante sa umaabot nga Barangay ug Sangguniang Kabataan Elections (BSKE) 2023 nga ipaskil usab gawas sa mga eskwelahan ayha ang adlaw sa piniliay sa Oktubre 30.
Matud ni Enumerables mas maayo ang printed nga voters list tungod kay nagbaton og online voters list kaniadto apan nagbaton og problema sa website.
“Naa na before (online voters list) pero mag-crash man gud ang site kay sa kadaghang mag-access. Kadtong 2019, gibalik nila kay naa man goy issues as to data privacy. Nag-put up sila’g mga measure and then through DICT (Department of Information and Communications Technology) naghimo sila og Voter Search online but nag-crash,” sulti sa COMELEC official.
Ilawom sa Voter’s Registration Act, kinahanglang iprepara sa Election Registration Boards (ERBs) ug i-post ang certified list of voters 90 ka adlaw ayha ang regular election.
RadyoMaN Kirby Manzon
