Voters Registration, asta na gid lamang sa adlaw sang Lunes suno sa COMELEC!

34

Roxas City, Capiz – Tubtob na gid lamang sa adlaw sang Lunes, Setyembre 30 ang voters registration sang Comelec.
Ginpahayag ni City Comelec Officer Atty Joemar Betita nga humalin sang nag-umpisa ang registration sang Agosto 1, kulang-kulang gid lamang sa 5, 000 ka mga regular kag SK voters ang nagparehistro sa ila talatapan.
Suno kay Betita, bukas ang tanan nga mga Comelec Offices subong nga adlaw sang Sabado alas otso sang aga tubtob sa alas singko sang hapon.
Samtang, bangud sa gina-ekspektar nga pagdamo sang numero sang magaparehistro sa adlaw sang Lunes, magasaylo sang venue ang City Comelec padulong sa Dinggoy Roxas Civic Center.

Facebook Comments