Ipatigayon sa umpisa sa Hulyo 2 ang pagresume sang voters registration bilang preparasyon sa natalana nga national kag local election sa masunod nga tuig base sa ginpaggwa nga resolusyon sang Commission on Election suno kay Atty. Jay Gerada, Election Supervisor sang South Cotabato.
Magadugay naman suno pa ang voters registration sa Setyembre 29 subong nga tuig nga malip-ot lang tungod sa natalana nga filing sang certificate of candidacy para sa national kag local election sa masunod nga tuig.
Bukas naman suno kay Atty. Gerada ang mga Comelec Offices sa probinsya Lunes tubtob Sabado nga adlaw lakip na holiday alas 8:00 sang aga tubtob alas singko sang hapon.
May-angot sini, ginaawhag ni Atty. Gerada ang mga new registrants lakip na ang magpag-activate kag subong man transfer.
