Aminado ang Commission on Elections (COMELEC) na laganap na ang premature campaigning ng mga kandidato sa pagkasenador at party-list groups.
Ito’y bago ang pagsisimula ng formal campaign period para sa national position sa Feburary 12.
Ayon kay COMELEC Spokesperson James Jimenez ang premature campaigning ay hindi pa kasi ipinagbabawal.
Pero sa pagsisimula ng campaign period sa February 12, papairalin na ang campaign rules kaya bawat piraso ng campaign propaganda ay awtomatikong magiging violation.
Hinimok ng poll body ang mga kandidato at political parties na tanggalin ang kanilang illegal campaign materials bago ang campaign period o mahaharap ang mga ito sa legal consequences.
Samantala, ang campaign period sa local government positions ay mula March 29 hanggang May 11.
