Gi-usa-usa og sulod sa Bise Presidente ang tribal house sa 11 ka tribu ug gisusi niini ang kaanin- dot sa kultorhanong pinuy-anan sa mga royal family sa mga katribuhan sa dakbayan ug nakighimamat sa mga Deputy Mayors ug mga lideres sa mga tribu.
Gisayod usab ni VP Inday ang kultorhanong butang, mga sapot, mga dayan-dayan ug produkto, butang nga gikalipay usab sa mga tribu, gumikan sa talagsaong higayonan mahimamat sa personal ang kanhi Mayor sa syudad sa Davao.
Nakig-estorya usab si VP Inday kang Bagogo-Tagabawa Tribe Deputy Mayor Sheirelle Uy Anino ug nagpadangat kini og mga concerns ngadto sa NTF-ELCAC Chairperson.
Personal usab mitan-aw si VP Inday sa Cultural Dance sa Tribung Bagobo-Tagabawa atol sa Bantawan Cultural Celebration ug pipila ka minuto mibiya na kini.
Una niini misalmot si VP Sara sa Balik-Eskwela ug namintura sa Gov. Vicente Duterte National High School sa Bangkal kagahapong adlawa.
RadyoMaN Joel Viray
