Sa Mapping Presentation ni Event Organizer Harold Quebete, mag-atubang ang stage nga adunay duha ka bleachers alang sa mga sakop sa Media ug Hobbiest nga mag-cover sa Indak-Indak, samtang magmuntar usab og Media Box nga dunay aircon ang event organizer.
Giandaman usab og tent ang mga VIP sama sa mga Diplomats, Vice President Inday Sarah Duterte, mga opisyales sa okal nga gobyerno ug uban pang imbitadong mga individual.
Dugang ni Quebete, ang palibot sa San Pedro Square, butangan og mga railings aron sa ingon dili makatabok-tabok ang mga tawo nga motan-aw sa Indak-Indak.
Anaa usab ang mga medical team sa Central 911 sa pagpanguna sa Davao City Disaster Risk Reduction Management Office, mga personahe sa civil service unit sa Public Safety and Security Office, ug mga marshall sa event.
Sumala ni Quebete, magsugod ang Indak Indak alas 2:00 sa hapon ug mahuman alas 8:00 sa gabii sa adlaw’ng sabado Agusto 19, 2023.
Sa pikas bahin, moarangkada ang Pamulak Festival alas 6:00 sa buntag ug gilaumang matapos aals 10:00 sa buntag sa adlaw’ng Domingo Agusto 20, 2023.
Dugang ni Quebete, sirad-an ang mga dalan nga agian sa mga contingents gikan Roxas, Claveria, Bonifacio, Pelayo, ug San Pedro Square sugod ala 1:00 sa kadlawon sa Sabado.
RadyoMaN Joel Viray
