Nahidangat kagahapong adlawa si VP Leni Robredo dinhi sa dakbayan sa Dipolog pasado 11:00AM sa kaudtohon.
Mi diretso usab dayon si VP Robredo sa lungsod sa Siayan nga kung diin gikabutyag pa sa bise presidente nga ang maong lungsod usa sa mga areas sa Angat Buhay Program, usa kini ka Anti Poverty Program sa Office of the Vice president nga gilusad niadtong Oktubre 2016.
Adunay 50 ka mga pobre nga munisipyo ang gipili karon sa opisina sa Bise Presidente ug usa na niini ang lungsod sa Siayan dinhi sa atong probinsya sa Zamboanga del norte human nga kanunayng nag una sa listahan nga pinaka pobre nga munisipyo sa nasud sa Pilipinas.
Matod pa ni VP Leni daghan sila ug nasabutan ni Mayor Flora Villarosa ilabi na ang mga panginahanglanon sa nahisgutan nga lungsod.
Kahinumduman sa una nga beses sa pagbisita ni VP Leni Robredo sa Siayan, gilusad ang Livelihood Program para suporta sa programa ni Mayor Flora nga kung diin nagmugna siya ug kooperatiba sa matag barangay.
Usa usab sa una nga nahatag sa OVP ang paghatag sa Toy Library gikan sa Philipiine Toy Library nga sarang mapahimuslan usab sa mga Kabataan o estudyante.
Sa karon nga higayon sa ilang pagbisita sa lungsod sa Siayan, ilang makauban ang Yellow Boat of Hope Foundation gikan sa Zamboanga City kauban usab nila kini sa Angat Buhay Program.
Sa pagkakaron, Kini ang gitagaan ug dakong pagtagad sa inahan sa maong lungsod tungod kay nagkataas ang ihap sa drop out rate ug kasagaran niini mga lalaki*.*
Pinaagi sa maong Foundation nakapatindog na kini ug dormitoryo sa Siayan National High School para libre nga ma puy-an sa mga estudyante nga gikan pa mga naglisod nga pamilya sa maong lungsod, adunay 20 ka mga estudyante ang nagpuyo sukad pa niadtong oktubre. Gani inagurahan usab ang dormitory atol sa ilang pagbisita.
