Davao City- Gipanganti ni Vice President and Education Secretary Sara Z. Duterte nga ‘everything is above the board ug legal’ ang paggamit sa confidential fund.
Sa speech ni Duterte sa pag-abli sa Peace Village sa Davao City subay sa 2023 National Peace Consciousness Month, gihagit niini ang mga kritiko nga si ACT Teachers Party-list Representative France Castro ug Makabayan bloc nga muhatag og ebidensya sa ilahang mga akusasyon.
Gitataw sa bise-Presidente nga ang House of Representative ug Senado ang adunay gahum sa pag-abrubar sa gi-request nga confi fund.
Gibarugan niining documented ug nahisubay sa balaod ang paggamit sa nasangpit nga pondong gi-request para OVP ug DepEd niadtong Agosto 2022 ug naaprubahan niadtong Disyembre.
RadyoMaN Aimee Guinita
Facebook Comments
