VP Sara wala nakauyon sa trial by publicity batok Pastor Quiboloy

Davao City – Nakihiusa si Vice President Sara Duterte sa panawagang hatagan og patas nga hustisya ug kaangayan si Pastor Apollo Quiboloy ug ang Sonshine Media Network Inc. (SMNI) nga nag atubang karon og mga isyu.

Suportado sa bise ang pamahayag ni Quiboloy nga iatubang sa korte ang maong mga alegasyon ug dili sa senado.

Matud pa nga ang ginahimo karon nga hearing daw naghatag na og ‘guilty verdict’ sa Pastor bisan og nakabase lang sa mga alegasyon sa mga testigong nakatago ang pagkatao.

Ug sa katapusan, nagtuo si VP Sara nga ang giatubang karon ni Quiboloy, dili patas ug puro lamang ‘pandarahas’.

“Lagi po tayong manalangin para sa hustisya at katotohanan. Justice and the truth cannot be achieved in trial by publicity but by a day in court,” segun sa bise.

Samtang gahapon, gipahamtangan na og contempt charges sa House Committee on Legislative Franchises ang pastor tungod sa wala niini pagpakita sa mga hearing kalabot sa pag-revoke sa franchise sa SMNI.

RadyoMaN Ivy Parido