VRU nagbahad sa mga resto bars ug estalisyemento sa pagtuman sa liquor ban

Davao City- Gipasidad-an sa Vices Reguation Unit (VRU) ang tanang mga restobars ug establisyementong gasilbi og mga ilimnon sa pagtuman sa liquor ban ordinance sa dakbayan sa Davao.

Sa interbyu sa DXDC RMN Davao kang Ret. Col. Hernando Las, Vices Regulation Unit chief, kini aron dili makapenalty o mapasirado ang ilahang mga negosyo.

Gibutyag ni Las, garekomendar usab sila ngadto sa Business Bureau sa pagpananggal og license to operate kung sunod-sunod na ang violations niini.

Niadtong Sabado, Marso 11, 2023 giisyuhan og citation ticket ang establisyemento sa Marfori Heights sa pagsupak sa liquor ban.

Gidakop usab ang 61 ka mga liquor ban violators ug na-rescue ang 13 anyos nga menor de edad nga lalaki.

Gisulti ni Las nga hatagan lang og tulo ngadto sa usa ka semana ang mga violators nga mubayad sa multa nga P3,000 sa unang offense human kini sila naisyuha’g citation tickets aron dili kini makasuhan.

Sa liquor ban ordinance, gidili ang pag-consume og mga ilimnon sa pampublikong lugar gikan alas 1:00 sa kadlawon hangtud alas 8:00 sa buntag.

RadyoMaN Aimee Guinita