Davao City – Anaa na sa Davao City ang DCitizen ID, nga usa ka identification card nga gamiton sa tanang transaksyon sa lokal nga pangagamhanan, diin gidisenyo alang sa pagsiguro sa hapsay, klaro, ug tukmang proseso sa paghatag serbisyo sa mga Dabawenyo.
Ang implementasyon sa DCitizen ID ipatuman pinaagi sa duha ka phases aron maorganisar ang proseso ug malikayan ang kalibog sa pagpangrehistro, diin sa unang phase, ang mga Persons with Disabilities (PWDs) ug Senior Citizens ang unang maka-avail sa maong ID.
Gihangyo sa City Government ang publiko nga magpaabot sa opisyal nga anunsyo kabahin sa schedule sa registration ug sa listahan sa mga requirements.
Ang susamang proyekto nagtinguha nga mahan-ay ang public service ug mas mapadali ang mga transaksyon sa tanang residente sa Davao City.
RadyoMaN Gretchel Egut
Facebook Comments
