Magahiwat sang public hearings sa apat ka probinsya sa Western Visayas ang Regional Tripartite Wages and Productivity Board ukon RTWPB region 6 angut sa ginaduso nga 130 tubtub 150 pesos nga daily minimum wage increase.
Ginpahayag ni Wennie Sancho, Labor representative sa RTWPB 6 nga antis hiwaton ang deliberasyon natuhoy sa proposal, kinahanglan anay sang board nga maghiwat sang public hearings.
Ang hearing sa Abril 24 hiwaton sa Aklan State University sa Kalibo kag sa abril 26 sa Capiz Provincial Capitol sa Roxas City.
Sa siyudad sang Iloilo, hiwaton ang hearing sa Mayo 8 samtang sa Bacolod City hiwaton sa Mayo 10.
Ginsumiter sang Philippne Agricultural, Commercial kag Industrial Workers Union- Trade Congress of the Philippines ang petisyon sang nakaligad nga Enero 22.
