Davao City – Gikinahanglan na karon nga dungagan ang sweldo sa mga trabahante rason nga naapektuhan usab sa pagtaas sa presyo sa mga palaliton ug dili na gayod makapaigo ang sweldo nga ilang madawat.
Sumala sa usa ka sidewalk vendor sa Bankerohan Public Market nga si Reynante Sigue kinsa duha na katuig nga nagabaligya og bulak, uyon siya nga dungagan ang suweldo sa mga trabahante.
Gidugang ni Sigue nga pabor usab siya nga parehason ang usbaw sa suholan gikan sa kaulohan rason nga kun motaas ang presyo sa palaliton sa kaulohan maapil man og pataas ang mga kaprobensiyahan.
Sa pikas bahin, gikasugyot usab ni Marish Magparoc, 18 na katuig isip vendor sa Bankerohan nga panahon na nga mulihok ang gobyerno aron mapugngan ang pagsaka sa palaliton.
Gidugang ni Sigue nga ang himuon natong pang-depensa panahon sa tumang kalisod mao lamang ang paghiusa ug pagtinabangay sa usa’g usa haron mas molambo ang ekonomiya.
RadyoMaN Don Pulayao
