Arestado ang waiter sa ginpatigayon nga buy-bust operation sang gintingob nga pwersa sang PDEA Cotabato Provincial Office kag Kabacan Municipal Police Station sa Brgy. Osias, Kabacan, Cotabato Province.
Ginkilala ang suspek kay Mark Anthony Luviras Garaygay, 34-anyos, residente sang Brgy. Paitan, Esperanza, Sultan Kudarat.
Naaresto ang suspek matapos nga magbaligya sang shabu kambyo sang P500.00 buy-bust money.
Nakuha sa posisyon sang suspek ang tatlo ka sachets sang shabu, may kabug-aton nga more or less 3 grams kag nagakantidad sang P20,400.00.
Si Garaygay ang isa ka waiter kag bouncer sa night club sa Kabacan kag namonitor nga nagabaligya sang shabu.
Bag-o ang pandemya namonitor ang suspek sa pagbaligya sang illegal drugs sa banwa sa Esperanza, Sultan Kudarat.
Kaso naman nga pagbayolar sa Section 5 kag11, Article II, RA 9165 ang ipasaka batok sa suspek.
