Davao City – Nakabaton og samad tinigbasan sa nagkadaiyang parte sa kalawasan ang biktkma nga si Ruel C. Montajes, 19 anyos, waiter ug nagpuyo sa Dumalag 1, Barangay Matina Apalaya, Davao City, human tabangi og kulata dayong gitigbas sa grupo sa gang.
Sa blotter sa Talomo PNP, ang biktima kauban ang iyang mga higala nagsuroy-suroy sa Bonguyan Beach Resort pasado alas 7:00 sa kagabhion apan kalit lamang giatake ug gitabangan sa mga suspek nga naila sa mga pangalang alyas Bulingit ug Dodong Perce.
Naghimo gilayon og follow-up investigation ang kapulisan sa Talomo ug pinaagi sa testigo nga si Richard Lascuna nadakpan ang suspek nga mao si Noel Aballe, 25 anyos, nagpuyo sa Del Carmen, Matina Aplaya nga maoy nakita sa saksi nga mitigbas sa biktima.
Gibalhog na sa prisohan ang suspek samtang giandam na ang kasong atubangon niini ug ang biktima padayon pang gi obserbahan sa mga doktor sa Southern Philippines Medical Center (SPMC).
RadyoMaN Erin Lumosbog
