Pontevedra, Capiz – Yara na sa indi maayo nga estado sang makit-an alas 6:20 sang aga ang bangkay sang isa ka senior citizen sa iya poluy-an sa Brgy. Tabuc, Pontevedra, Capiz.
Ginkilala ang biktima kay Bernardo Dillera y Bulahan, 68-anyos ang pang-edaron residente sang nasambitan nga lugar kag isahanon na lamang nga nagapangabuhi.
Nahibaloan nga adlaw pa sang Lunes ulihi nga nakit-an ang amu nga biktima kun sa diin ini ang ginapatihan nga gin-ataki sang ginabatyag nga balatian.
Kumbinsido naman ang pamilya kag mga otoridad nga wala sang foul play sa kamatayon sini.
Samtang wala man nadula ang kwarta sini nga balor P15,000 pesos, cellphone kag kumpleto ang mga kagamitan nga yara sa sulod sang panimalay sini.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
