Roxas City, Capiz- Wala mapirmahan sang mga katapo sang kapitanes sa bilog nga syudad snag Roxas ang isa ka menifesto f support sa mangin kandidato sang Liberal Party sa masunod nga 2019 midterm election.
Ini matapos ang ginpatawag nga meeting ni Liga ng mga Barangay President Hon Virgilio Santos Jr agud nga talakayon ang nasambitan nga sulat.
Ginkumpirmar sang spokesperson sang Liga nga si Tiza Punong Barangay Menong Albaladejo nga matapos ang meeting nga gintambungan sang kapin sa 37 ka mga kapitan, wala mapirmahan ang nasambitan nga sulat.
Ginpunto sini nga dapat non-partisan ang barangay sa eleksyon ilabi na kun ang istoryahan amu ang angut sa partido.
Suno diri nga indi dapat nga mabutang sa alang-alang nga sitwasyon ang ila kaugalingon kag subong man ang ila mga pomuluyo.
Nahibaloan nga wala matumod kun sa diin gid naghalin ang nasambitan nga sulat apang klaro nga nakabutang nga magapirma ang mga ini sa amu nga manifesto bilang pagsuporta sa sin-uman nga kandidato sang Liberal Party sa masunod nga eleksyon.
