36 sa 42 ka kabanwahan sa probinsya sang Iloilo ang wala
naga-obserbar sang ginatawag nga Zero Open Defecation ukon Z.O.D . kon sa
diin madamo sang panimalay ang wala sang kaugalingon nga sanitary toilets.
Base ini sa ginhiwat nga survey sang Iloilo Provincial
Health Office sa tanan nga kabanwahanan sang probinsya kon bala may yara
sang sanitary toilets.
Suno kay Iloilo Provincial health office head Dr. Patricia
Grace Trabado nga 7 lamang nga kabanwahanan ang naga-obserbar sang zero
open defecation ukon kumpleto sa sanitary toilets ang mga panimalay.
Ini nga mga banwa ginalakipan sang Banate, Bingawan,
Igbaras, Mina, New lucena, Oton kag San Rafael.
Bangud sini, ginpahayag ni Trabado nga gina-engganyo gid
nila ang tanan nga panimalay nga magtinguha gid sa pagpaobra sang sanitary
toilets agud malab-ot sang probinsya ang Z.O.D. status.
Ginhatagan pagtamod ni Trabado nga indi maayo sa palibot
kag ikaayong lawas kon may mga panimalay nga wala sang sanitary toilets kag
bisan diin lang nagapamuhin.
