WALA KLASE! I Syudad sang Roxas kag pila sa mga kabanwahanan sa Capiz, ginkansela ang klase

CAPIZ – Pila na ka mga local chief executive ang nagdeklarar sang suspension sang klase sa ila nasakupan matapos nga ginpaidalom ang Capiz sa Signal Number 1 bangud sa Bagyong Basyang.
Una nga ginmando ni Roxas City Mayor Alan Celino pinaage sa CDRRMO nga suspendido ang klase sa tanan nga lebel sang klase sa publiko kag pribado nga eskwelahan subong nga adlaw Pebrero 13, 2018.
Base sa report sang PDRRMO-Aksyon Tabang, alas 6 sang aga, gindeklarar man ni Jamindan Mayor Mac Arthur L. Valdemar ang temporary suspension sang klase sa Elementary kag High School sa munisipyo sang Jamindan.
Alas 5:00 sang aga, ginmando man ni OIC Mayor Hon. SB Member Jomari Openiano sang Cuartero ang temporary suspension sang klase sa tanan nga lebel sa private kag public sa Cuartero.
Nagpaguha man sang amo nga deklarasyon si Dumarao Hon. Mayor Edgardo Arancillo kag Dumalag Hon. Mayor Amado Eriberto V. Castro Jr. Suspended man ang klase sa pre-school, elementary, kag high school sa banwa sang Pontevedra pinaagi sa order nga ginpaguha ni Hon. Mayor Esteban Evan Contreras.
Kasubong man nga deklarasyon ang ginpaguha ni Hon. Wilfredo E. Borres, Sr. sang Maayon kag Mayor Receliste Escolin sang President Roxas. Suno kay MDRRM officer Julius Villalobos, suspended anay temporaryo ang klase sa Panay.
As of 4:00 a.m subong nga adlaw, pinaagi sa abiso ni Municipal administrator Mr Jenny Destua nga suspended ang klase sa banwa sang Mambusao. May kaangut sini, liwat nga gin-alerto sang PDRRMO ang publiko nga padayon nga mangin alerto bangud sa malain nga panahon.
(info via-PDRRMO-Aksyon Tabang)

Facebook Comments