Roxas City, Capiz- Ginkumpirmar ni CDRRMO head Mr. Rommel Lastimoso nga kanselado ang klase sa tanan nga pribado kag publiko nga lebel sa Roxas City bwas nga adlaw Setyembre 14, 2018 bangud sa ginalauman nga epekto sang Bagyo “Ompong”.
Ini ang base sa deklarasyon nga ginpaguha ni City Mayor Alan Celino matapos ang ginpatigayon nga assessment sang city government.
Sa interview sang dyVR, ginsiling ni Lastimoso nga katuyoan sang amu nga deklarasyon nga makapreparar ang publiko angut sa epekto sang amu nga malaian nga panahon.
Suno diri nga nakapakig-angut naman ang ila opisina sa tagsa nga mga ahensya kaangay sang City, Engineers Office, Philippine Coastguard, BFP kag subong man CSWDO.
NOTE: ANG NASAMBITAN NGA DEKLARASYON ANG PARA LAMANG SA SYUDAD SANG ROXAS KAG NAGADEPENDE NAMAN SA TAGSA KA MGA LOCAL GOVERNMENT UNITS NGA MAGPAPANAOG SANG KASUBONG NGA ORDER
