Report ni: Jennifer Palomo Debaja
Arestado ang isa ka 40-anyos nga Pinoy security sa Macau sa kaso nga pag kastigo sang iya girlfriend matapos wala ginreplyan ang iya messages.
Base sa imbistigasyon sang Macau Police, takna alas 10:00 sang gab-i sang Disyembre 6, nagpauli ang Pinoy sa gina istaran nila nga poluy-an kag nag umpisa ang pagbangigay matapos ginsukmaan ang iya 41 anyos nga girlfriend kon ngaa wala nag balos sa iya text messages. Sang nagrason ang GF sini, gulpi lang nagtagasak ang tapungol nga nag igu gid sa guya sang GF kag ginpasundan pa sang sipa.
Ang babaye nagtinguha pa nga malagyo apang ginlagas ini sang nobyo. Ginpulo-pulo pa gid sya sang suspek kabangdanan sang paglagub kag pagkapilas sang iya mata, wala nga butkon kag wala nga paa. Nagpadulong sa ospital ang babaye pagkasunod nga adlaw kag iya ginsaysay sa doktor ang natabo sa iya.
