Gikumpirmar sa Overseas Workers Welfare Administration XI nga sa mga nangabot kagahapong adlawa nga mga repatriated OFW nga gikan sa Israel wala pa’y naggikan sa Davao Region.
Sumala ni Gina Mae Quimora sa OWWA XI nga wala sila makadawat ug kumunikasyon gikan sa Department of Migrant Worker nga adunay OFW nga naggikan sa Region XI nga apil sa mga nangabot nga gi repatriate gikan sa Israel.
Matud Quimata nga hugot ang ilang koordinasyon karon sa DMW sa pamasin nga aduna nay taga Davao Region sa mga repatriated OFW nga mangabot karong adlawa.
Padayong nag-awhag ang OWWA XI sa mga kabanay nga adunay mga kapamilya sa Israel nga ipadayon ang pakig communicate aron masayran ang ilang tinuod nga kahimtang samtang nagpadayon ang gyera batok sa Hamas militants.
RadyoMaN Erin Lumosbog
Facebook Comments
