Bacolod City, Negros Occidental – Indi matuod ang post sa Facebook sang
isa ka Neil Andrew Alde nga nagapahayag nga may binutungay nga nagluntad sa
area sang Lopues East kun sa diin nangin viral ini kag nagtuga sang
kakugmat sa pumuluyo sang ciudad sang Bacolod.
Suno sa post, isa ka puti nga Nissan nga van nga may plate number FO-1468
ang ginapatihan may unod nga lima ka lalake kag may ginakapyutan nga babaye
nga daw nagapamwersa.
Suno sa pahayag ni Police Chief Insp. Ritchie Gohee sang Station 4, indi
matuod ang nasambit nga FB post bangud isa ato ka buy bust operation sang
City Drugs Enforcement Unit (CDEU) sa amo nga area.
Dugang pa ni Gohee wala sang dapat kabalak-an ang pumuluyo sang ciudad sang
Bacolod. – RCSG/iFM News
Facebook Comments
