CAUAYAN CITY — PATULOY NA PINALALAKAS ANG KAMPANYA LABAN SA GUTOM SA PAMAMAGITAN NG DSWD WALANG GUTOM PROGRAM NA ISINAGAWA SA LUNGSOD NG ILAGAN KATUWANG ANG DA CVRC MULTIPURPOSE COOPERATIVE.
SA ILALIM NG PROGRAMA, NAKATANGGAP ANG MGA BENEPISYARYO NG FOOD CREDITS NA MAAARING IPALIT SA MGA PANGUNAHING PAGKAIN GAYA NG BIGAS, GULAY, KARNE, AT IBA PANG PANGANGAILANGAN SA HAPAG-KAINAN.
LAYON NITONG MATULUNGAN ANG MGA PAMILYANG KABILANG SA MAHIHIRAP NA SEKTOR NA PINAKAAPEKTADO NG KAKULANGAN SA PAGKAIN AT MATAAS NA PRESYO NG BILIHIN.
BUKOD SA AYUDA, ISINAGAWA RIN ANG NUTRITION EDUCATION NA PINANGUNAHAN NG MGA BARANGAY NUTRITION SCHOLARS UPANG MATURUAN ANG MGA PAMILYA NG TAMANG NUTRISYON, TAMANG PARAAN NG PAGKAIN NG SANGGOL AT BATA, AT WASTONG PAMAMAHALA NG PAGKAIN SA TAHANAN.
IPINAHAYAG NG DSWD NA ANG PROGRAMANG ITO AY BAHAGI NG MAS MALAWAK NA ANTI-HUNGER CAMPAIGN NG PAMAHALAAN, NA TARGET ANG PINAKAMAHIHIRAP NA PAMILYA SA BUONG BANSA. SA REHIYON 2, DAAN-DAANG BENEPISYARYO ANG INAASAHANG MAKIKINABANG SA REGULAR NA REDEMPTION PROGRAM NA ISASAGAWA KADA BUWAN.
